سنله سنسيزليگن سينيري پوزوق
  آختارديغيم  يئرلر   خيال بوجاغي  
بورونوب دؤرت يانيم سن سيزليگينه
بيكيبدير عؤمرومو   يوخلوق ناجاغي

گؤزومون اؤنونده     ،يوخسا     اوره كده
يوخسا  خيالمين       ييه سي سنسن
سئومه گين   جزاسي  منه يوخلوغون
يوخسامي سئوگينين دييه سي سنسن

جان دئيه ر ائشيلتمز اوره گيم سندن
دامجي دامجي اؤدر جاني ني سنه
سنينسه وئرديگين حسرتدير حسرت
اودقونوب اودارام من دؤنه دؤنه

گونلريم گئجه نين قولتوغوندادير
اولدوزلار اودوزور بيزيم ياريشدا
قيژقيرير اوزومده  گؤزومون ياشي
نفسيم كسيلير قالير داريشدا
 وهاب92قيش
آرديني اوخو
گؤنده ر     بؤلوم لر: